ಚೆಲ್ಲಿದ ಹನಿಗಳು

ದಿನಾ ಟ್ರಾಫಿಕ್ಕಿನ ಗೋಳು
ಉಸಿರಾಡಲು ಹೋಗೆಯುಗುಳುವ ಧೂಳು
ಹೇಗೆ ಮೈಗಂಟಿದೆ ನೋಡಿ,
ಊರಿಗೆ ಹೋದರೇ ತಿಳಿಗಾಳಿಗೆ ದಮ್ಮು
ಸಿಹಿ ನೀರಿಗೆ ಶೀತ-ತಲೆನೂವು-ಕೆಮ್ಮು.

 
ಎಂಥ ಎಡಬಿಡಂಗಿ ಬದುಕು ನೋಡಿ
ನಮಗೆ ಪಟ್ಟಣದ ಸವಲತ್ತು ಬೇಕು
ಮೇಲೆ ಹಳ್ಳಿಯ ಸುಖ ಬೇಕು, ಕೋನೆಗೆ
ಸಿಗದ ಸಿಟಿಬಸ್ಸಿನ ಹಿಂದೆ ಓಡತಿರಬೇಕು.

ನೀನಿಲ್ಲದ ಬದುಕು ಬದುಕಲ್ಲ
ನೀನಿಲ್ಲದ ಸಾವು ಸಾವಲ್ಲ.
ನನ್ನ ಬದುಕು-ಸಾವು ನೀನೆಲ್ಲ,
ನೀನಲ್ಲದೇ ನನ್ನಲಿ ನಾನಿಲ್ಲ
“ಕನಸು”ಗಳಿಗೆ ಇನ್ನು ಜೋತೆಯಿಲ್ಲ.